اعمل نفسك سعيد

مش معاك فلوس  اوهم نفسك ان فلوسك كتيرة بس انت مش بتحب التبذير

مش عارف تتجوز اقنع نفسك ان الجواز كله مشاكل  ووجع قلب
مش لاقى شغل اصنع حلمك بمشروعك الخاص 

فقدت حد تعرفه احمد ربنا ان لسه باقى لك ايام تعيشها

زعلان اوى على حد مات متنسهوش وادعى له دايما

متجوز وعايش فى نكد اضحك على نفسك وغنى الحياة حلوة

ابوك دايما بيضغط عليك  وده بيضايقك افتكر انه بيحبك وكل ده لمصلحتك

مراتك مش فاهماك وحاسس انك مليت خليك فاكر انها فضلتك على كتير

ليه تتعب نفسك لما ممكن تعمل عبيط

محتاجين   دواء واسمه يكون اوهام السعادة 

الامراض البدنية سببها اغلبه امراض نفسية 

لو قدرنا نتغلب على المرض النفسى هتفرق كتير معانا 
 محتاجين وهم ووخيال
احلام وطموحات 
مش مهم انها هتحقق المهم نستناها وخلاص
لحظة الفرحة  هى لحظة اتنظار الفرحة  مش الفرحة  نفسها

جرب واعمل نفسك سعيد هتلاقى نفسك فعلا سعيد 
مش هتكون عارف سبب السعادة ايه المهم انك سعيد وخلاص
 اسال نفسك انا هستفاد ايه من الحزن؟
مش هتستفاد غير الهم   ومحدش هينفعك 
اللى راح راح  واللى فات فات 

دايما شايف ان المجانين والأطفال فى نعيم 
مش بيشيلو الهم  خالص ولا بيفكرو فى المستقبل خالص

ولابيحزنو على اى حاجه 

بايدك تصنع سعادتك 
وبايدك انت تشيل الهم 
حزنك لنفسك وسعادتك بردو لنفسك 
عيش يومك بيومك  
اليوم الى بيعدى مش بيرجع تانى
ركز على الاوهام والاحلام 

&&&&&&&&&&&&&&
م الآآآخر اعمل نفسك عبيط 
ولما تحس بالملل والروتين جرب تغير
اعمل اى حاجه جديدة 
 انسى هموم الدنيا ياصاحبى