تدوينه جديده

2014/2/19
الحدث الاول 
اشاعة ظهرت عن نيزك هيصطدم بالارض
رغم ان  دى مش اول ولا اخر مره بس فعلا كان فى رعب غريب  اوى  ايه ده ممكن الحياة تنتهى  كدا 
مش عارف هو الاصعب انك تموت فجاه ولا تقع فى خطر  وتحس بقرب الموت 
اعتقد الاولى اسهل والتانيه اصعب لان فى التانيه هتموت  100 مره قبل ماتموت  
الغريب بقى اوى انى فعلا حسيت بالخوف الفظيع من الموت 
مش خايف بس اموت  بسبب المعاصى  
لا انا  خايف من مجرد فكرة الموت  خروج الروح من الجسد
القبر والظلام مفيش رعب بعد كدا 
الحدث الثانى 
شباب مصريين  خرجوا فى رحلة قامت عاصفة  ماتوا  واتاخرت  عمليات الانقاذ 
مش جديده علينا ولااول مرة  تحصل 
الجنسية المصرية  جريمة هنفضل نتعاقب عليها 
قال العم نجيب محفوظ (آفة حارتنا النسيان )
وانا اقول صفة شعبنا البلادة والجمود
انا واحد من الناس مبقاش فى حاجه تفرق معانا 
عادى الناس تموت قطر يولع  كله عادى
ده يترشح ده يتسجن  كله عادى عادى عادى عادى 
الغريب  بقى  
زمان كنت لما افكر  اقول ازاى الواحد يخون بلده ويشتغل جاسوس 
دلوقتى بس عرفت السبب
..................................................
مــــِ الآخر
بتعيش حياتك وتتغير المفاهيم وتتبدل المبادىء