زمان واحنا صغيرين كان ذهننا صافى وأفكارنا بريئة
ويمكن الفكرة اللى اعتقد انها شغلت تفكير أغلبنا هى
الفلوس
وكانت المشكلة كالتالى
إذا كانت الحكومة هى اللى بتطبع الفلوس طب ليه مش بتطبع فلوس كتير تكفى الناس كلها ويبقى مفيش حد فقير
الفكرة غريبة وصعب نستوعبها
كنا شايفين انهم بيطبعوا فلوس ليهم كتير تكفيهم وزيادة اللى هم الحكومة واصحابهم وقرايبهم وكدا
وبعدين يطبعوا مبلغ معين على اد الناس الباقية والمبلغ يتم تداوله المهم ان المبلغ مش بيزيد خالص ويتنقل بقى من شخص للتانى من موظف لفكهانى لبقال وهكذا وبالتالى مفيش اى زيادة هتحصل ولا فى اى فقير هيبقى غنى الا لو بقى مع الحكومة
ولما كبرنا وعرفنا السبب وانه مرتبط بغطاء الذهب ويعتمد اصلا على موارد كل دولة قدرنا نستوعب اللى بيحصل
وعرفنا اننا ظالمين الاغنياء الكويسين وان الحكومة المسكينه ملهاش ذنب ونوعا ما تجاوزنا الموقف وده تفسير منطقى لموضوع الفلوس
بس اللى مش منطقى وملوش تفسير لحد دلوقتى
هم ليه الاغنياء لسه زى ماهم بيزدادو غنى على غناهم
وبيطلعوا لفوق!!!!
وليه مازال الفقراء زى ماهم بردو بيزدادو فقر على فقرهم
وبينزلو لتحت !!!!
ليست هناك تعليقات:
إرسال تعليق