لكن انت انسان مثقف ومعاك دكتوراه فى العلوم الفلسفية ..
ماهو ده من خيبتى بردو ..
واضح انك شديد التواضع ياصاحب الكرامة ..
يا محترم انا مش صاحب كرامة ..
أستغفر الله ده انت اللى بتوزع الامل الحلو على الناس كل يوم الصبح ،،
هو فى حد فى البلد كلها ،،
مبيقراش حظك اليوم المنور ببصمتك فى كل الجرايد ..؟!
كله فى الهجايص صدقنى ..
أصدقك واكدب نفسى ..؟!!
أذا كنت انا شخصياً مقدرش انزل من بيتى الصبح ،،
قبل ماطمن على حظى فى الجرنال ..
تبقى غلطان ..!
يادكتور التحريات بتقول ان كل الناس اللى اتعاملوا معاك ،،
بيأكدوا انك صاحب كرامة وليك وزنك ..!!
انا زى اللى لابس بدلة حديد كل مابيزيد وزنه جواها بتخنقه ..
يعنى انت مصمم انك دجال ..؟!!
كل شئ اصبح مزيف ،، المبادئ ، الافكار ، الناس ،،
حتى نظريات العلم ببفتتها الشك وبنهدمها البحوث الجديد كل يوم ..
بصراحة انت اجهدت ذهنى ..!
الناس فى حاجة ليقين ، لحقيقة واحدة تكون ثابتة ،،
ده اللى بيخليهم يؤمنوا بحجاب وتعويذة ودرويش اهبل يضحك عليهم ..
أفهم من كده انك بتجهل المجتمع وتتهمه بالجهل ..؟!
لا ، بالضعف ،، الضعف مبيفرقش بين جاهل ومتعلم ،،
هما اللى بيخلقوا الدجال ويصنعوه بارادتهم ،،
زى ماصنعوا من الحجر تمثال وعبدوه ..!!
احمد زكي ،، البيضة والحجر
ليست هناك تعليقات:
إرسال تعليق