اعوذ بالله ان اكون من الجاهلين

لو هندم على حاجة فاعتقد انى بندم على كل لحظة كنت ناقم فيها على وضعى 
مش متقبل فيها اهلى مش راضى فيها عن نفسى
متزمت من كل شىء 
مش عاجبنى أى حاجة
لو هزعل على تفويت فرصة فهزعل على تفويت نعمة الشكر 
إهدار قيمة الصبر نسيان كلمة الحمد
لو هختار أقسى شىء 
فأكيد هيكون الندم
الندم على اللى فات ومش هيرجع
الندم على اللى انكسر ومش هيتصلح
الندم على اللى راح ومش جاى 
على كلمة مقلتهاش
على حاجه معملتهاش
على وعد أخلفته 
على شخص خذلته
على كل لحظه عدت محستش بقيمة النعمة
على كل ثانية فاتت من غيرما  تتذكر ان فى بردو  نقمة
على الناس اللى زعلتهم
اللى راحوا من غير ماتودعهم
لو هختار أفضل شىء فأكيد هيكون النسيان
نعمة رب العالمين لتجاوز أخطاء السنين
هبة الرحمن الرحيم حتى لانموت بحسرة الخطأ الجسيم