قصتى مع عصير الكتب

مش عارف انا دخلت الجروب ده ازاى ولا من ضافنى لانى لو اعرفه كان اول قرار هو البلوك الفورى ولو صديق كنت هحذفه من قائمة اصدقائى للابد 
شخصيا مش بشترك فى اى جروب تحت اى ظرف وهو ده الجروب الوحيد اللى اشتركت فيه وكنت مضايق لانى اتعلقت بيه 
الفترة الاولى كانت فترة الانبهار بالجروب والدهشه من روعته 
جروب ليه سحر خاص 
ثم مرحلة الاندماج  وبدات النشر فيه  
لتاتى مرحلة الادمان  بقى كل دخولك  للفيس بوك علشان الجروب  وبس 
كنت فاكر علاقى بالجروب زى الزواج الكاثوليكى غير قابل للانفصال 
ولكن  على الشريعه الاسلامية كان اول انفصال وكان لسببين 
الموافقة على كل بوست من خلال الادمن والتانية بسبب نشر موضوع 
وكانت دى التدوينة اللى كتبتها وقتها 
http://fadiel007.blogspot.com/2013/12/blog-post_3008.html
ولكن  بعدها رجعت تانى وبدات بحدث فى مثل هذا اليوم  واهتميت اكتر 
لكن عن غير اقتناع  والسبب فى رايى   قوة الجروب اللى بدات تظهر دى كانت نقطة ضعف من وجهة نظرى 
واستمرت المسيرة فى مناوشات وخلافات  ومابين معارضات وانقلابات 
تم الانفصال للمره الثانية  ودى كانت تدوينة كتبتها 
http://fadiel007.blogspot.com/2014/05/blog-post_12.html
انفصال اثر على الادا حبى للجروب قل جدا  واهتمامى بيه مش  زى الاول 
ودخولى من باب الفراغ فقط  
وكما يقال  فالمحافظه على القمة هو الاصعب 
مميزات الجروب اكثر من ان تحصى 
عيوبه من وجهة نظرى   اقدر اشرحها بمثل انه نموذج لدولة فاسدة زى مصر بطبقاتها الحاكمة  بشعبها المكبوت 
المجاملات  واللعب على وتر الكلمات المعسولة جواز المرور  السريع فى الجروب 
التحكمات التى تزيد عن الحد الادنى من القبول بدواعى الحفاظ على الجروب  فى رايى يمثل اهم انتهاك لجروب ثقافى 

ازدواجية  المعايير فى تقييم منشورات الجروب  وشهادة مجروحة لمن يمنع نشرها 
حاجات تانى بلاش كتابتها
وفى النهاية بعتبرنفسى مدين  للجروب
واهم مكسب ليا كان اصدقاء عرفتهم من خلال الجروب واستفدت منهم وبعتبرنفسى مدين ليهم
أحمد محمود - لقاء احمد - مؤمن شهاب -  عوض حامد - حكاية ذات  - ابو ناجى
واشخاص كتير استفدت منهم مش فى اصدقائى 

#قصتى_مع_عصير_الكتب