شجاعة طفلة

البنت الصغيرة اللي قدامك دي، الملكة بنفسها مديالها وسام الشجاعة..

في شهر نوفمبر 2015 وبالتحديد في بريستول بانجلترا، والدة الطفلة Emma Bazzard كانت حامل في الشهر التاسع ونازله مع بنتها من منزلها، وفجأه الأم انزلقت عالسلالم ونزلت عالأرض على بطنها مغمى عليها.

بدون أدنى انتظار او خوف، ايما اللي عندها 3 سنين دي، مدت إيديها في شنطة مامتها المغمى عليها وطلبت الشرطة وقالتلهم إنه مامتها الحامل وقعت وحصلها كذا كذا..

عاملة النجدة اللي كانت ممعاها عالفون، مكنتش متخيله إنه طفلة 3 سنين تقدر تفكر تعمل كده بدون خوف أو ذعر، وكمان عرفت تقولها عنوان بيتهم بالظبط وتوصف مكانه، ولما العاملة طلبت من الطفلة تشوف نبض وتنفس امها وهلى على قيد الحياة أو لا، كانت البنت بتقولها وبتعرف تعمل دا ودا شيء مش طبيعي لحد في سنها.

وإعترافًا بشجاعتها دي الغير مسبوقة، قررت ملكة انجلترا تديها وسام الشجاعة.