مش شرط أشيل " Iphone " .. عشان تقول اني ذكي و بفھم ..!!
* مش شرط أكل كل يوم في " Mac " او " KFC " .. عشان تقول إني مش بخيل ..!!
* مش لازم لما أحب أقعد مع إصحابي .. نقعد كل يوم في " Star Bucks " او " Costa " عشان نقنعك إننا ولاد ناس ..!!
* مش شرط أجيب لبسي من " Adidas " او " Nike " عشان أبقي نضيف ..!!
* مش شرط أبرطم بالأجنبي .. و كل جملة أزق فيها كلمتين إنجليزي عشان تقول علي مثقف ..!!
* مش شرط أمشي أسمع " Adele " أو " Rihanna " عشان تقول علي متحضر ..!!
* مش شرط أكون من جاردن سيتي او زيزينيا عشان تحترمني ..!!
أنا معظم لبسي من وسط البلد يا سيدي .. و بقعد مع إصحابي على الطريق .. ولما بنجوع بناكل عادي من اي مكان .. بتكلم عربي عادي ..
ولو شايف إني فقير مثلا أو بخيل .. فأحب أقول لحضرتك .. إنك كمان مريض ..
أنا ممكن أعمل كل اللي فوق .. بس كل الفكرة إني شفت ناس .. ممكن يعيشوا إسبوع كامل بثمن تى شيرت من Adidas ..
شفت عائلات ممكن يتغدوا كلهم بتمن قعدة من قعدات Star Bucks ..
فعرفت ساعتها إن الفلوس مش كل شيء ..
وعرفت إن اللي بيقيس الناس بالمناظر ..
عشان المناظر عمرها ما كانت مقياس للتحضر ..
(( التحضر الحقيقي .. تحضر الأخلاق والعقل ))
ليست هناك تعليقات:
إرسال تعليق