كشف حساب 2012
اوشكت السنه على الانتهاء
اهم حاجة بتميز السنة دى انها مرت سريعة اوى
لدرجة انك مش لاقى فيها أى احداث مهمة
تحس انها مرة مختصرة
او كنت فيها خارج الزمن
السنة كلها فى مكان واحد مفيش أى تغيير فى الشغل
الأفضل على المستوى العام
من وجهة نظرى مفيش حدث مفرح مميز اوى
ومفيش خبر اسعدنا اوى سواء فى مصر او فى باقى الدول
العربية اعتقد انه لاجديد
الأفضل فى مصر انه مصر بقى فيها رئيس مدنى منتخب
كحاكم شرعى للبلاد والتخلص من الحكم العسكرى
الأسوأ على المستوى العام
حدث ولا حرج
اللون الاحمر ظل هو المسيطر طوال العام
السواد كان هو السمة المميزه أيام السنه
مجزرة بورسعيد
الكارثة الأسوأ بلا منازع
احتلت الصدارة فى الحزن
كابوس فظيع لم يكن له نهاية
أى شيبطان فعل هذا !!!
أى عديم إنسانية دبر هذا!!!
ومازال التحقيق جاريا!!!
تكتمل سلسلة اللون الاحمر ويسيطر السواد
بحادثة شهداء رفح واستشهاد الجنود المصريين
مصايبنا كلها ابتعدت حتى عن الصفات الحيوانية
لم تقترب أبدا من منطق الانسانية
اتسمت بالغموض ونركت وراءها بحر من الأسرار
ومازال التحقيق جاريا!1
ابدأ صفحة جديدة وحط مصر فى جملة حزينة
الاطفال
احباب الله
ضحايا مزلقان اسيوط
شهداء الاهمال
لايستوعب العقل ولا يهدأ القلب
ومازال المزلقان جاريا !!
وأبى العام إلا ان يظل الاحمر لونا له
فكانت لعنة الاعلانات الدستورية
والسلطات الديكتاتورية
ليذهب ضحيتها أرواحاً مصرية
وكما تعودنا مازال التحقيق جارياً
ويبقى الشعار الرسمى للدولة المصرية فى ذلك الوقت
مره واحد راح يشجع فريقه مات
واحد راح يحرس حدوده مات
واحد رايح مدرسته مات
ياتى فى قائمة الأسوأ أن يكون الدكتور محمد مرسى رئيسا للجمهورية
رئيسا لم يكن على يوما ً على المستوى
انتخاب خالف كل التوقعات
ضرب بدماء الشهداء عرض الحائط
على المستوى الشخصى
الأسوأ :الحمد لله على كل حال
أما الأفضل فقد تم تحقيق حلم حياتى
حلم المستحيل تحقق
الاحداث كلها من وجهة نظر شخصية
ليست هناك تعليقات:
إرسال تعليق