من فترة كبيرة جدا مش بنسمع غير اخبار زفت
من وقت طويل اوى مش شايفين غير اللون الأحمر
زهقت من الاخبار كرهت السياسة
ملل واكتئاب وحزن
نفسي اوقف كل الاقمار الصناعية
اقفل كل الفضائيات
امنع اذاعة اى اخبار
احجب كل مواقع التواصل
ارجع الزمن للعصور البدائية
ارجع الناس للعصور الحجرية
ارجعهم للطريقة الهمجية
يمكن تكون علاج
انتماءات واحزاب وتقسيمات
خلافات ومعارك ونزاعات
طيب امتى بقى هنخلص
امتى هنكون فى وضع عادى
امتى هنحس بأمل
هل ممكن يكون فى استقرار
امتى المسلسل هينتهى
امتى هنرفع الستارة
وينزل المخرج بالتتر
على فتره من اسوا فترات مرت بها مصر
نفسى فى أى شارة
أى علامة يامارد
اى لمحة او نفحة
أى حاجه فى اى حاجة
للاسف مفيش ادامى غير انى بعزل نفسى عن الواقع
بعمل نفسى مش سامع
بوهم نفسى واغمض عينى واعمل انى مش شايف
بغير على وضع غير متاح
خارج نطاق الخدمة
بعمل نفسى مش هنا
ولما بتعب خالص بعمل نفسى ميت
ليست هناك تعليقات:
إرسال تعليق