الجن العالم الخفى
بداية نتفق على وجود الجن عالم مثل عالم الانس
القصة بدات فى البيت
كان فىه واحد عليه جن او زى ماكنا بنقول لابسه جن
فى وقتها انا مكنتش مصدق ولان الانسان عدو مايجهل
كان فى خوف غير مبرر ناحية الجن
المهم جه الشيخ الله يرحمه كان متمكن بالقران وقلب من حديد
الاول بيقرا ايات معينه من القرآن وده بمثابة استحضار للجن
بيقرا لحد مايظهر الجن قبل مابيظهر الجن بيكون وضع الملبوس الجلسه العادية شبه غايب عن الوعى اول مابيظهر بيفرد الجسم شويه ويتكلم بصوت بطىء تقيل النطق
ويبدأ النقاش بين الشيخ والجنى اسمك ايه ومنين ايه اللى خلاك تلبسه
رد الجنى بيكون رد الند بالند وعند كمان
يبدا بقى التفاوض لازم تخرج وده انسان ومش شايفك
ويبدا الجن يماطل لا مش هخرج انا حر
يبدا الشيخ يهدد بالضرب والجلد والدبح كمان
الجنى اللى حضرته ده كان اسمه جرجس وكان جن عنيد ومش عايز يخرج الشيخ استحضر جن مسلم اسمه محمد وخلاه يدور عليه ومحمد قال انه مش لاقيه ولا شايفه خالص
بعد تهديد ووعيد قرر الجن المسيحى انه هيخرج
طلب انه يخرج من العين الشيخ رفض
وقاله تخرج من جانب الصباع الصغير فى الرجل وحط ادامه كوباية مية وقاله اول ماتخرج وقعها على الارض
فى اللحظه دى الشيخ طلب انى اخرج برا لانه ممكن يلبسنى انا لو كنت خايف طلع الجن ودلق كوباية المية وقام الشخص اللى كان ملبوس عادى جدا وطبيعى ومش فاكر ولا حاسس باى حاجه حصلت والشيخ كان مبياخدش فلوس قاله لو تحب تتبرع للجمعية الشرعيه فقط
القصة والرواية على مسؤوليتى الشخصية وكل مافيها حقيقى
ليست هناك تعليقات:
إرسال تعليق