تنبيه بعد فوات الأوان
نلاحظ بعد فترة من الزمن
ملهوف عليها ومش لاقيها
بتهرب منها وهى وراك
الشىء المناسب فى الوقت غير المناسب
الوقت مناسب لكن الشىء غير مناسب
اللى نقرب منه يبعد عننا
اللى نبعد عنه يقرب مننا
اللى تهتم بيه بتكون عادى عنده
اللى تقلان عليه بتكون غالى عليه
لو كنت كويس خدعوك
لو كنت ندل احترموك
لو سرقت مليون بيقدروك
لو سرقت ألف يحبسوك
لو قتلت مئات يبرؤوك
لو دافعت عن مقتول يعدموك
تجرى أدامها تجرى وراك
تجرى وراها تجرى ادامك
رئيس بقى مسجون
مسجون بقى رئيس
محظورة بقت فى الصورة
وشعب دايما عينه مكسورة
كتب ومحدش بيقرأ
نصائح ومحدش بيسمع
شباب بيموت
وعواجيز على قلبنا
بتشوف اللى ليك
وتفكر فى اللى محروم منه
ناسى اللى عليك
وكل يوم انت شايل همه
هنعيش فيها تايهين
لنفسنا حتى مش لاقيين
بأى حاجه مقتنعين
على أى وضع متأقلمين
فى أى طريق ماشيين
تمر أيام وتفوت سنين
عايشين فيها مساجين
دنيا ماكس دايما ماشيه عكس
ليست هناك تعليقات:
إرسال تعليق