فى بلاد الكفر والالحاد لما بتحصل مشكلة لاجنبى بيتم معاملته بكل انسانية ويتوفر له لبس واكل وشرب وسجاير كمان لو عايز مع العلم انه داخل من غير تاشيرة وكمان مش معاه اقامة وكمان ممكن يحاول يرجع تانى ويترحل بكل انسانية وهكذا
اما فى بلادى بلاد العروبة والاسلام اى مخالف بيشحنوهم فى السيارات زى الحيوانات وييربطوهم من رجليهم زى المواشى
ويترحلوا على بلادهم مذلولين زى الكلاب
مع العلم انه داخل بتاشيرة مدفوعة ومعاه اقامة سارية المفعول مع العلم انه بيتسجل مغادرة لخمس سنين ممنوع عليه دخول البلاد مع العلم ان فى ركن من اركان الاسلام مطالب بيه فى البلاد
تخيل تكون بتشتغل ليك فتره وتروح متبهدل وبلبسك اللى اتمسكت بيه
هتقولىى انت خالفت قانون بلد
هقولك فين قانون الانسانية
فين حق الادمية
فين احكام الشريعة الاسلامية
فعلا صدق اللى قال الاسلام هو الحل
بس الحاجة الغريبة بقى
هو ليه مفيش دولة اسلامية متقدمة ؟
مفيش دولة متفوقة اقتصاديا ليه؟
مفيش دولة اسلامية قادرة على حماية نفسها ليه؟
مفيش دولة بتاخد موقف بدون حساب ردة فعل امريكا والغرب ليه؟
هم بيقولوا علينا دول العالم الثالث ليه؟
لما ملحدين وكفار طب هم احسن مننا ليه؟
مــــِ الآخر
احنا شيلنا العقل من مكانه
وحطينا مكانه فردة جزمة قديمة
ليست هناك تعليقات:
إرسال تعليق