كلنا مش حمادة
حمادة مش شخص
حمادة حالة عامة فى مصر
أسلوب حياة
حمادة نتاج إرث مبارك
حمادة حالة اسمها التعريض
اتقتل فيها النخوة
وانتزع منها الشرف
وقضى فيها على المبدأ
فى ملايين حمادة
نسخ منه كتير
حمادة هو الناتج الطبيعى
من حاصل ضرب العشوائيات فى الجهل
وجمع الفقر مع الخوف
انزل العشوائيات وشوف كام مليون حمادة
كله حمادة بمزاجه وغصب عنه
شوف اللىى بتبيع نفسها علشان جنيهات
واللى بيسرق قروش
لف فى مناطق الفقر هتلاقى مستنقعات
هتلاقى مجتمع هش كله حمادة
نفس الحمادة وعلى أسوأ
قلب فى صفحات الحوادث فى الجرايد
حمادة هو صناعة مبارك بامتياز
حمادة هو مشروع طوال مدة 30 سنة
كتير أوى كان عايش حمادة
رغم ان حمادة ده بالذات ملوش مبرر للى عمله خالص
لان كان فى تغطية للخبر وفى اهتمام كبير من الاعلام
يعنى حماية وصوت واصل ولكن للاسف هو ده حمادة
مصر عايمه على مستنقع حمادة
حمادة معادلة تتكون من
جهل +فقر+تطرف +بيئة مناسبة (عشوائيات)
يظهر الناتج حمادة
مـــــِ الآخر
حرام ان مبارك لسه عايش لحد دلوقتى
عدو مصر الأول هو الجهل ويليه الفقر
ليست هناك تعليقات:
إرسال تعليق