إحساس

عارف انت احساس لما يكون ليك غرفة خاصة بيك وانت صغير
فيها كل ألعابك وكتبك 

ولما حد يقولك لو نجحت ليك عندى هدية حلوة اوى 
ولما حد يقولك يابنى انا فخور بيك  أوى
ويكون ليك عيد ميلاد وتحتفل بيه وتجيلك هدايا وكدا
وكل سنة تروح تصيف فى اليكس مع العيلة 
طب انت عارف لما تكون عندك موهبة وتلاقى حد بيشجعك عليها 
طب جربت احساس تشترى كتب الكلية وتذاكر منها  اممممممممم
فاكر لما كنا بنصحى بدرى اوى علشان نكون طالعين رحلة 
الاهرامات والبانوراما 

أحاسيس جميلة اوى عمرى ماجربتها 

احساس انك مطلعتش رحلة ولا مرة 
ولا عمرك شفت الاهرامات 
والاسكندرية  فى الصيف حلم مستعصى عليك


احساس ان مفيش عيد الميلاد ولا الاهتمام وكأنك نكرة أصلا 

احساس انك فى خمس سنين كلية متشتريش  كتاب واحد
ولاتحضر محاضرة واحدة 
احساس انك متقولش ولا مرة بابا او ابويا  او يابا 

احساس انك مريض اوى وخايف تعرف حد

أحاسيس صعبة اوى جربتها كلها