إمبارح كنا قاعدين في واحد من البارات المشهورة بالزمالك "Amici"...دخل عيل صغير عنده حوالى 8 سنين لابس لبس متوسخ ، ودخل بكل ادب للبارمان:"ممكن كاس فرينش مارتيني ياعمو لو سمحت لأنى خرمان؟" البارمان بصله بقرف وقاله اطلع بره وزعق فيه وطرده من المكان.. الطفل حط وشه فى الارض وماقالش ولا كلمة ، بس دموعه نزلت قدامنا كلنا وطلع قعد على رصيف قدام الپاب بيعيط ... واحد من الشباب اللى كانوا واقفين يشربوا فضل باصص للطفل شويه وخرج من الپاب ورجع والطفل فى ايده ومسك ال menu بتاعة البيڤريچز ، وقاله شاور على الكوكتيل اللى انت عاوزه ، الطفل قاله انا عاوز شوية ڤودكا وانانس وبس ، الشاب اصر انه يعزم الطفل علي ٤ كوكتيلات مختلفة وازازة كورڤوازييه وقعد الطفل على الترابيزه اللى فى وش البارمان اللى زعقله ... الولد دموعه نزلت تانى بس من الفرحة .. وكل الناس فى الپاب كانوا مبسوطين جدا ان لسه الدنيا بخير .. والموقف ده ادانى امل . ولسه غالبيتنا عندهم طبقيه مريضه، انا عارف الشاب اللى عمل الموقف ده شخصيا (ورفض انى اذكر اسمه) ولما قولتله انى هاكتب اللى حصل ده قال لى:"خلى الناس تدعيلى ويجربوا يفرحوا الناس"
ليست هناك تعليقات:
إرسال تعليق