صوت القرآن طالع من الشبابيك المقفولة و وراها ناس خايفه ... صوت طلق رصاص من بعيد ... صوت طيارة بتلف كل فترة ... صوت سيارة واحدة بتقول الجنازة بكرة من مسجد مريم ... و شوارع فاضيه ومافيهاش غير ريحة دم و حريق و خراب ... امهات مش هتشوف ولادها تاني و امهات تانيه خايفة على ولادها من اللي هيحصل ... ناس بايتين قدام المشرحة علشان يدفنوا ولادهم بكرة ... و ناس تانية بتفكر هتأكل ولادها منين بكرة ومفيش شغل ... وبلد مظلومة وقت الحادثة و مظلومة وقت الحكم ... وشعب اطيب من الطيبة بيبكي دم على حالها ... وده حال بلدي دلوقتي ... و الحمد لله المجرى الملاحي بخير ...36 واكتر ماتوا ولا حد حاسس ولا حد فكر فينا ... كبش فدى ماشي .. بورسعيد مش مجرى ملاحي يا ريس
ليست هناك تعليقات:
إرسال تعليق