التعود

التعود
اتعودنا على كل حاجه او بمعنى أدق اكتسبنا صفة اللامبالاة 
واقتربنا أن نفقد الإنسانية 

عودونا على الدم بقى عادى 
نسينا اللى ماتوا زمان خلاص بقى ماضى 

الموت فعلا بقى ملوش عندنا حرمة 
والدم فى حياتنا بقى شىء عادى 

بقينا زى الحيوانات وأسوأ
بقينا عادى وأقل من العادى

بقى عادى جدا اننا نسمع الاخبار وعداد الموت فى سوريا 
زى عداد الكهربا 
بقى سهل اوى تتابع عدد الاشخاص اللى بتموت فى بورسعيد 
ببرود غريب 
اطفال تموت عادى  بنات تتهان ماشى شباب مات بدون سبب 
عادى 

شوية شوية فقدنا الكرامة 
وخطوة خطوة بقينا فى غابة 

فى  بورسعيد بالتحديد 
كانت قمة اللامبالاة 
برود يكاد  يصل للارتياح 
هدوء غريب  وسكوت مستفز 
 حرب شغالة وصمت مريب 

الدنيا دوارة والأيام دول 
زى مابعنا دم اللى قبلنا هييجى اللى يبيع دمنا 
زى ماسبنا غيرنا هييجى اللى يسيبنا 

التحرك فقط لتأمين المنشآت 
الخوف  فقط من حرق المركبات 


اليوم كان الدور عليهم 
بكرة أكيد الدور  علينا