_والطاحونة دى كانت بتشتغل ؟
_امال يا بيه .. دى كانت مابتبطلش طحين ابدا
_وبقالك كتير فيها ؟
_طول عمرى فيها احنا كان بيجى لنا ايام نطحن فى اليوم عشر اردب بس ده كان زمان ايام ما كانت الدنيا دنيا
_وبتشتغل ازاى
_القمح ينحط هنا وبعدين نفك المروحة اللى برة الهوا يدورها تفوم تدور التروس وتشتغل الحجارة
_لكن طبعا دى ما بتشتغلش دلوقت
_لا خلاص التروس والمراوح اتكسروا اللى دوبنا دوبها ..... الزمن مبيرحمش كل حاجة تاخد زمنها ... على العموم هى عملت اللى عليها يا ما وكلت ناس
_ وانت دايما قاعد فيها ؟
_هاروح فين ؟
_مابتخرجش تشوف الدنيا يا حاج ؟
_دنيا !!!!!!!! اشوف فيها ايه ؟اهى عجلة دايرة زى المروحة ... واحدة بيدورها ريح الزمن والتانية بيدورها ريح البحر .. واحدة بتطحن بنى ادمين والتانية بتطحن قمح .. وفى الاخر ده يبقى تراب وده يبقى دقيق والعجلة دايرة زى ما هى لا هى حاسة بده ولا بده .. واللى بيروح بيجى غيره
_اما فلسفة .. انا عمرى ما سمعت واحد شبه الدنيا زى ما انت شبهتها ..
..........................
أثار فى الرمال 1954
عبد العزيز خليل .. حمدى غيث .. محمد الطوخى
يوسف السباعى
جمال مدكور
ليست هناك تعليقات:
إرسال تعليق